Cîgira Seroka Koma HDP’ê Meral Daniş Beştaş têkildarî îdiaya ku dibêjin Hamza Adiyaman ne di Çemê Zapê de fetisiye li kampa PKK’ê ye û partiya wan hedef tê nîşandan wiha got: “Bi rastî jî êdî çîrokên wan nîn in. Li ser derewan propagandayê bi rê ve dibin.”
Hevseroka HDP’ê Pervîn Bûldan di civîna koma partiya xwe ya Meclîsê de axivî û bal kişand ser siyaseta rêya sêyemîn û got: “Rêya sêyemîn, raya giştî ya demokratîk a li derveyî hêzên serdest û kedxwar maye bixwe ye.”
Hevseroka Giştî ya DBP’ê Salîha Aydenîz, di kongreya partiya xwe ya Amedê de diyar kir ku sedema hemû qrîzan tecrîda li dijî Rêberê PKK’ê Abdullah Ocalan e.
evserokê KCD’ê Berdan Ozturk bal kişand tecrîda li ser Rêberê PKK’ê Abdullah Ocalan û got: “Li şûna hûn HDP’ê digirin, Zindana Îmraliyê bigirin.”
Hevseroka Giştî ya HDP'ê Pervîn Bûldan, diyar kir ku ew ê tifaqa demokratîk û siyaseta rêya sêyemîn mezin bikin û got: "An em ê rêyekê bibînin, an jî em ê rêyekê vekin. Ev rê jî wê bibe rêya aştiyê."
Hevserokên KCD û DBP’ê di roja 3’emîn a hevdîtinên xwe yên li Mersînê li navçeya Akdenîzê bi gel re hatin gel hev. Di hevdîtinê tecrîda li ser Rêberê PKK’ê Abdullah Ocalan derket pêş û welatiyan pêşniyar kir ku li dijî tecrîdê bername û çalakiyên berfirehtir bên kirin.
Rojnamevan-nivîskar Aydin Engîn diyar kir ku nakokiyên di nava partiyên muxalefet de desthilata AKP’ê qayîm dike û wiha got: “CHP jî Partiya ÎYÎ jî Partiya Saadetê jî dizanin ku heta piştevaniya dengê kurdan nebe nikarin desthilatê têk bibin. Lê ne xwediyê wê wêrektiyê ne ku tişta pêwîst bi cih bînin.”
Hevserokê Giştî yê HDP’ê Mîthat Sancar destnîşan kir ku îqtidar wek keysperestî û hilebaz nêzî belavoka amîralên teqewît bûnedibe û dixwaze gefa darbeyê jê hilberîne û got: “Ji bo rizgariya ji her cûre darbeyan tenê çareyek heye, ew jî demorkasiya hêzdar û edaleta rastî ye.”
‘Lêpirsîna ewlehiyê’ ku bi dengê parlamenterên muxalefetê hatibû redkirin weke Tezkereya Serokatiyê peşkêşî Lijneya Giştî ya Meclisê hat kirin.
Berdevak HDP’ê Ebrû Gunay diyar kir ku biryara AYM’ê ji qaydeyê wêdetir reda “esasî” ye û biryara nirxandinê ye û bi biryarê îdianameye hatiye pûçkirin.
Cîgirê Serokê Koma HDP’ê Sarûhan Olûç têkildarî doza girtina HDP’ê bang li AYM’ê kir û got: “Divê AYM nebe parçeyek amûra leyîstika îqtidarê. Îqtidar dixwaze bi rêya AYM’ê ji ber sedemên siyasî tola xwe ji me hilde.”
Hevseroka Giştî ya HDP'ê Pervîn Bûldan di komcivîna li Meclîsê de axivî û li dijî tecrîda giran a li ser Rêberê PKK'ê Abdullah Ocalan bang li CPT'yê kir. Bûldan li dijî hewldana girtina partiya xwe jî got: "Em ê ji rêya xwe paş ve gav neavêjin. Soza me ya têkoşînê ya ji bo gelan heye, em ê heta dawiyê li ber xwe bidin. Em ê gelên Tirkiyeyê bê HDP nehêlin."
Omer Farûk Gergerlîoglû yê HDP’yî diyar kir ku ew ê teslîm enbe û got: “Di kevneşopiya me de teslîmbûn tune ye. Em bikevin girtîgehê jî em ê bêjin divê ev al nekeve erdê.”
Hevserokê Giştî Mîthat Sancar di civîna Meclîsa HDP’ê de axivî û got: “Emê li dijî hewldanên girtina partiya xwe, nexşerêyekê diyar bikin. Bi hêza ku me ji qadên Newrozê girt, em ê heya dawiyê HDP’ê biparêzin.”
Rêxistina HDP'ê, piştî bi zanyaran re civîn li dar xist, encamnameya "Hevditina Heq, Edalet û Wîcdan" bi raya giştî re parvekir. HDP'ê di encamnameyê de destnîşan kir ku ji bo “edaletê” pêdivî bi têkoşînek hevpar re heye û bang li her kesî kir ku tev li vê têkoşîna hevpar bibin.