Endamê Komîsyona Gelan û Baweriyan a HDP'ê Nesîmî Aday, diyar kir ku di elewîtiyê de meha Xizirê meheke pîroz e û got: "Di vê mehê de tiştên xirab nayên kirin, xeberdanên nexweş nayên kirin. Kesên nelihev, li ser sifreya Xizir li hev tên."
21’ê Sibateke din jî nêz bû. Lê hîn jî zimanê bi milyonan kurdî, bi polîtîkayên tekparêz û asîmilasiyoneke hişk tê çewisandin. Bi boneya vê rojê, belkî jî tişta di cî de ev be, helbestkarê “Zimanê Kurdî” û sirûda kurdî Şikoyê Hesen ku bûye şahidê êş û azarên civaka xwe û bi 4 dîwanên qerase kuliyata helbesta kurdî û peyva kurmancî xweşiktir kiriye, careke din bê bibîranîn.
Mamoste Ayfer Aslan ku hêj biçûk bû fêrî tembûrê bû, piştî ku Kursa muzîkê vekir, niha gelek şagirtan perwerde dike. Aslan, têkildarî kursê got: "Piştî ez fêrî tembûrê bûm min bêtir xwe nas kir. Min xeyalê xwepêk anî û deriyê kursê li jinan vekir. Niha her ku diçe em zêde dibin."
Komên Xwendin û Helbestê yên Amedê di çarçoveya Roja Çîrokan a Cîhanê de bernameyek li dar xistin û li ser çîrokan gotûbêj hat kirin. Her wiha di bernameyê de Sêva Mêxikrêj jî hatin çêkirin.
Vedat Allak, piştî xebata xwe ya der barê qewl û qewlbêjiya êzidiyan, niha jî muzîk û rîtma dirûşmeyên ku kurd di çalakiyan de berz dikin lêkolîn dike. Allak, destnîşan kir ku wekî gelên din dengên xweser ên kurdan jî hene û ew dixwaze di çarçoveyeke zanistiyî de lêkolîn bike.
Chalak Events kargeha "Sêva Mêxekrêj" a ku bi sedsalan e di çanda Kurdan de bûye remza evîn û aştiyê li dar xist.
Dadgehê li Derhênerê belgefîlma Nû Jîn Veysî Altay, bi îdaya "propaganda rêxistinê kirine" ceza birî. Derhêner Altay, diyar kir ku her çend ceza li wan bê birîn jî ew dê afirandina hunerê û karê hunerê berdewam bike.
Chalak Events 14´ê Sibatê bi minasebeta Roja Dildaran li Stenbolê atolyeya Sêva Mêxekrêj li dar dixe.
Asoya Helbesta Kurdî ya ku li ser sepana telefonan xebatên helbestên kurdî birêve dibir dawî li sepanê anî û derbasî malpera înternetê bû. Rêveberên malperê di salvegera rizgarkirina Kobanê de dest bi weşanê kir û gotin armanca wan ew ku helbesta kurdî bigihînin her devera cîhanê.
Hunermend Mîkaîl Aslan li Amedê konserek li dar xist û danasîna albuma xwe “Axpîn (Axa bi bereket)” kir. Aslan şevê bi stranên kirmanckî û bi awaza cura û gîtara xwe geş û xweş kir.
Pirtûka 7’emîn a nivîskar Bahoz Baran ku ji 14 çîrokan pêk tê, “Qîza Bavê Xwe” ji Weşanên Wardozê derket.
Gelek hunermend bi armanca piştgiriyê bidin çalakiya Hevseroka KCD'ê Leyla Guven ku 92 rojin li dijî tecrîdkirina Ocalan di greva birçîbûnê de ye, li hev kom bûn û strana "Leyla" bi hevre strîn.
Hemama Cinciklî ya Sîwêregê ku warekî dirokî û çandî ye, ji ber nehat paratin, wêran bû.
Koma Şanoya Bajêr a Amedê piştî demek dirêj lîstika “Bûn An Jî Nebûn” da pêşandan û lîstikê diyarî çalakgerên greva birçîbûnê kir.
Bernameya Sibatê ya Şanoya Bajar a Amedê diyar bû. Şano dê vê mehê yek jê lîstika zarokan bi giştî 6 lîsbtikên cuda pêşkêş bike.