Koma Jinan a HDP’ê ya Parlamentoyê bi armanca xwe baştir bigihînin daneyên tundiya li dijî jinan pêk tê, têkildarî 81 bajarên Tirkiyê 162 pêşniyazpirs dan wezîran.
Li Êlihê 6 jinên endamên Meclisa Jinan a HDP’ê ku di çarçoveya kampanya TJA’yê ya “ Em Xwe Diparêzin” de hatin gel hev û qurdeya mor a li ser “Peymana Stenbolê didin jiyandin” nivisandî daleqandin, hatin binçavkirin.
Li navçeya Muratpaşa ya Antalyayê Dûygû Çelîkten a 13 roj in winda ye cenazeyê wê li qada daristanê veşartî hat dîtin.
Aktîvîstên TJA’yê li Mêrsînê kampanyaya ‘Em xwe diparêzin’ da destpêkirin û diyar kirin ku ew ê li dijî her cûre êrişan xwe biparêzin.
Endama Piştevaniya Mor Yeşîm Guzel da zanîn ku êrişên li dijî jinan zêde bûne veguherîna qirkirina zayendê û li dijî vê xweparastin girîng e û divê hemû jin rêxistina xweparastinê bikin.
TJA'yê li Denîzlî û Stenbolê starta kampanyaya xwe ya bi dirûşma "Em Xwe Diparêzin" da û got: "Em li dijî hişmendiya serdest a zilam, bi bîrdoziya azadiyê jinê dikevin rê."
Serokê Baroya Mêrsînê Bîlgên Yeşîlbogaz, di bîranîna xwendekara zanîngehê Feray Şahîn a ji aliyê polîsekê ve hat qetilkirin de axivî û got: “Ger qanûn bên bi cih anîn, wê mafê jinan bê parastin.”
Berpirsyara Bajar a ÛCÎM’ê ya Agiriyê Sumeyye Goksû, diyar kir ku berteka li dijî kuştina jinan a li Agiriyê kêm dimîne û ji kuştinên jinan ên li bajar ew hemû berpirsyar in.
TJA'yê li Wanê starta kampanyaya xwe ya bi dirûşma "Em xwe diparêzin" ku wê 4 mehan berdewam bike da. Jinên tevli şahiyê bûn bi kincên xwe yên kurewar li gel govendê gotin "Em xwe diparêzin".
Komîteya Têkoyîna Cûdakarî û Wekheviyê ya Meclîsa Parlamenteran a Konseya Ewropa piştgirî da Peymana Îstanbul. Platforma Jinan a Îskenderunê jî bang li hemû partiyên li meclîsê kir û xwest di mijara têkoşîna li dijî tundiyê de Nexşerê/Plana Çalakiyê ya hevpar amade bikin.
Li Colemêrgê, bi tevlîbûna Hevserokê KCD’ê Leyla Guven, di çarçoveya kampanyeya “Em xwe diparêzin” de çalakiyek hat lidarxistin.
Dayika Kubra Taşdemîr ku beriya 3 mehan li navçeya Avkevirê ya Agiriyê bi awayekî guman mirî hatibû dîtin Raziye Samanci, diyar kir ku sedemê mirina keça wê xesiya wê û xwest ku berpirsyarên mirina keça wê bên darizandin.
Hevseroka KCD’ê Leyla Guven, diyar kir ku HDP’ê bi “Danezana Banga Aştiyê” bangî hemû beşan kiriye û ev tişt got: “Werin em bibin deng û bêhna vê bangê. Ne ji ber ku em di rewşeke zor de ne daxwaza aştiyê dikin. Beyî ku dereng bikeve em vê xakê bi dîlanên aştiyê bixemilînin.”
Dayika Pakîze Oztaş ku li navçeya Tûtaxê piştî nîqaşa ku bi hevjînê xwe re kiribû, bi awayekî guman jiyana xwe ji dest dabû Jiyan Başboga, diyar kir ku hevjînê wê ji mirina keça wê berpirsyar e û ji bo ku dev ji giliya xwe berdin pêşniyara pere li wan hatiye kirin.
Hevseroka Giştî ya SYKP'ê Canan Yuce jî di nav de li 5 jinan cezayê pereyî hat birîn. Ji ber ku tevlî daxuyaniyên li dijî cinayetên jinan bûna ceza li wan hatiye birîn.