Yekîtiya Ciwanên Tirkiye (TGB), beriya ku jin li Zanîngeha Enqereyê dansa “Las Tesis” bidin nîşandan, bertek nîşan dan. Jinên zanîngehê jî gotin: "Ji înada dijminantiya jinê re em dê li her derê bi boyaxa xemrî dansê bikin."
Hevseroka Giştî ya HDP'ê Pervîn Buldan, di civîna Meclîsa Jinê ya HDP'ê ya li Enqereyê de diyar kir li dijî û polîtîkayên ÎQtîdara AKP'ê tu carî teslîmiyet tune û di hedefa jinan de berxwedan û têkoşîn heye. Buldan, bal kişand ser tecrîdkirina Ocalan û anî ziman ku îro pirsgirêka herî mezin neçareseriya pirsgirêka Kurd û dewamkirina tecrîdê ye.
Derûnas Bûrcû Soyak, rewşên derûnî yên dibin sedema cinayetên jinan nirxandin û got: "Tevdîrnegirtina ji bo cinayetên jinan, ji ber pergala patrîarkalê ye ku naxwaze îktîdar ji dest derkeve".
Hevseroka Rêxistina HDP'ê ya Stenbolê Elîf Bulut, di Konferansa Herêma Marmarayê ya ku Meclîsa Jinan a HDP'ê li dar xist de, diyar kir ku ew têkoşînek gelek girîng didin û wiha got: “Em jinên ku dîrok û qedera Tirkiye û Rojhilata Navîn biguherîn in."
Li Amedê, di salekê de 9 jin hatine kuştin. 7 jê bi awayekî gumanbar jiyana xwe ji dest dane û hezar û 792 jê jî bi şidetê re rû bi rû mane. Seroka Komeleya Jina ya Rosayê Adalet Kaya, got li dijî kuştina jina ew ê li qadan bitêkoşin.
Konferansa Jinan a Bajar a Amedê ku HDP bi şîara "Em di têkoşînê de bi biryar û di azadiyê de jî bi israr in" li dar dixe, dest pê kir.
Jinên HDP’yî xwestin têkildarî tundiya ser jinan û ji bo kujerê Ceren Ozdemîr li Wanê daxuyaniyek bidin lê polîsan çalakî asteng kir.
Parlementoya Rûsya qanûna ji bo parastina jinan erê kir. Li gorî qanûnê, ‘Eger jinek rastê êrîşa zayendî were, ji bo xweparastinê êrîşkar birîndar bike yan jî bikûje wê ceza negire.”
Parêzvanên mafên mirovan ên jin, kartên piştevaniyê ji jinên li Girtîgeha Şakranê ya Jinan girtî re şandin.
Parêzerên Jin ên OHD'yî dê der barê dozgerê ku li doza tecawizê dinerin serlêdana sûc bikin. Parêzerên jin, piştî Ç.B. ya rastî tecawizê hat û Dozgera Komarê ya Enqereyê Yeter Gumuş got “Çima ez rastî tecawizê nayêm" dê li HSK’ê giliyê sûc bikin.
Li Stenbol û Îzmirê bi sedan jin bi boneya balê bikişînin ser tundiya li dijî jinan li hev kom bûn û dansa Las Tesis dan pêşandan.
Xebatkara Kovara Jineolojiyê Ceylan Çagir ku got xelasiya jinê xelasiya civakê ye û ji bo Atolyeya Jîneolojiyê bang li jinan kir. Wê atolye di 15'ê Kanûnê de dest pê bike.
Hakîme Karagoz ku di temenekî biçûk de hat zewicandin, piştî zewaca wê 2 sal şûnde hevjînê wê tê girtin. Karagoz ku 26 sal in diçe girtîgehê serdana hevjînê xwe, li Bismilê 20 sal in esnfatiyê dike.
Jinan, diyar kir ku ji bo lazmatiyên xwe yên metbaxê bikirin bazar bi bazar digerin û gotin, lê belê li her bazarê zem li ser zemê heye.
Li Hatayê danişîna jinên ji ber çalakiya sala 2014'an a di 25’ê Mijdarê Roja Têkoşîna Navneteweyî ya Li Dijî Tundiya Jinê li dar xistin tên darizandin hat taloqkirin.