Li gelek bajaran jin daketin qadan û bertek nîşanî "Efoya rê li ber zewicandina îstîsmarkirina zarokan vedike" dan. Jinan, diyar kirin ku ewê destûr nedin ku pêşnûme di Meclîrê de bê qebûl kirin. Li Stenbolê 197 rêxistinên jinan û li Enqerê jî 88 rêxistinên jinan li dijî pêşnûmeyê daxuyaniyên hevpar dan.
Jinan encamnameya Konferansa Jinan a HDK'ê aşkere kir û diyar kirin ku dê sala 2020'an bikin sala rêxistinkirina jinê.
6 siyasetmedarên jin ên kurd ên li Parîs û Sîlopî hatin qetilkirin, li Stenbolê hatin bibîranîn.
Hevberdevka HDK'ê Gulistan Kiliç Koçyîgît, di 10'emîn Konferansa Giştî ya Jinê de axivî û got: "Em dixwazin li Tirkiyeyê Rojava xwe ava bikin." Hevseroka KCD'ê Leyla Guven jî anî ziman ku ew dê sala 2020'an bikin sala azadiya gelê Kurd û bal kişand ser tecrîdkirina Rêberê PKK'ê Abdullah Ocalan.
Meclîsa Jinan HDP’ê, derbarê konferansa li Enqerê lidar bixi de, li Dîlokê civîna amadekariyê pêk anî.
Platforma Jinan a Enqereyê bertek nîşanî binçavkirina jinên li Kampusa Cebecî Reqsa Las Tesis kiribûn da û wiha got: "Em ê bi boyaxên xwe yên mor serîhildana xwe bidomînin."
Li gorî danayên Platforma Em ê Cînayetên Jinan Rawestîn in, di sala 2019'an de herî kêm 474 jin hatin qetilkirin. Piraniya kujerên jinan kesên herî zêde nêzî wan bûne. Vê yekê encamên biçekirina takekesî jî, danî holê.
TJA’yê, bertek nîşanî sazî û dezgehên çapemeniyê yên hevşaredarên jin û aktîvîstên wan hedef nîşan didin, da.
Meclîsa Jinan a HDP'ê peyama 2020'an weşand û diyar kir ku wekî sala 2019'an dê di sala 2020'an de jî li dijî pergala qeyûm ku dixwazin li welat ava bikin têkoşîna xwe berdewam bikin.
Parlamentera HDP'ê ya Enqereyê Fîlîz Kerestecîoglu, di forma "Şer, şîdet û binpêkirina mafan" a TJA'yê de axivî û got: "Şerên ku li ser gotina namûsê derdikeve, hişmendiya baviksalarî pêş dixe. Bi mîlîtarîzma li Tirkiyeyê jinê bêtir ji qadê dûr dixin. Bi mîlîtarîzmê tundiya li ser jinê zêde dikin. "
Parlamentera HDP'ê ya Stenbolê Zuleyha Gulum, diyar kir ku butçeya Rêveberiya Navendî ya 2020'an, bi aqilê mêr hatiye amadekirin û butçeya ji bo mêran e û wiha got: "Di vê butçeyê de ji sedî 1 jî para jinan tune ye."
Meclîsa Jinan a HDP'ê konferansa herêma Çukurova li Edeneyê û konferansa Herêma Anatoliya Navîn li Navenda Giştî ya HDP'ê li dar xistin.
Li navçeya Yenişehîr a Amedê jina bi navê Denîz K. li mala xwe rastî êrîşa çekdarî hat û jiyana xwe ji dest da.
Berdevka Meclîsa Jinan a HDP’ê Dîlan Taşdemîr diyar kir ku tundiya li dijî jinan a li Tirkiyê zêde bûye û tundiya li dijî jinan sîrayetî her qada jiyanê kiriye û got: “Vê îqtîdarê hişê xwe xwariye.”
Xwendekarên Jin ên Zanîngeha Enqereyê xwestin li zanîngehê dansa “Las Tesis” bidin pêşandan. Polîsan destûr neda û mudaxale kir. Di mudaxaleyê de 5 xwendekar binçav kirin.