Aktîvîsta jin Masih Alînejad li Îranê bi porê vekirî wêne kişand û tevgera #MyStealthyFreedom da destpêkirin. Alinejad, diyar kir ku li Îranê jinbûn tê wateya ku rojane li dijî zagonan be û wiha got: “Li gorî Rejîma Îrane ez sucdarek har im. Ji ber ku ez bêtir jin im. "
Jinên Kurd ên kedkarên çapemeniyê yên li derveyî welat, li Belçîkayê konferansek li dar xistin û Yekîtiya Rojnamevanên Jin ên Kurdistanê (ROJIN) ava kirin.
Platforma Jinê ya Dersimê daxuyand ku ew ê di 25'ê Mijdarê de li hemberî şidet û çewisandinê dakevin qadan.
Platforma Yekîtiya Jinên Kurd bi peyamekê piştevaniya avakirina Platforma Zimanê Kurdî kir û ragihand ji bo xebatên ziman çi peywîr bikeve ser milê wan ew amade ne.
Aysel Gezgîncî ya rastî êrîşa devkî ya DAIŞ'iyan tê, diyar kir ku tu eleqeya cil û bergan û tundiya li dijî jinê bi hev tune ye û wiha got. "Îro çawa ku jinek servekî li kolanê bigere ewlehiya wê tune ye, jinek sergirtî jî ewlehiya wê tune ye. Ji ber ku ez ebayê li xwe dikim rastî tundiya DAIŞ'ê têm. Ez dê di 25'ê mijdarê de ji bo daxwazên xwe ligel jinan di nava têkoşînê de cih bigirim.
Derûnînas Zekîye Şenol, bal kiyand ser tundiyali dijî jinê û diyar kir ku di nava tundiya li ser jinê de cihê tuniya zayendî pir zêde ye û wiha got: "Ruxmê li Tirkiye cihê tundiya zayendî zêde ye jî ev yek li ber çavan nayê girtin. Çavkaniya herî mezin a tundiya zayendî lêgerîna îktîdarê ye. Ji ber vê yekê jinên rastî tundiya zayendî tên divê wêrek tev bigerin.
Berdevka Piştevaniya Mor Cemîle Baklaci, diyar kir ku ji destpêka Mijdarê heta niha bi jinan de di çalakî û bernameyên cur be cur de kom dibin û li ser tundiya li dijî jinê niqaşan dikin. Baklaci, anî ziman ku kolan bi kolan digerin û bang li jinan dikin ku tev li çalakiya 25'ê mijdarê bibin.
DAKP'yê bernameya xwe ya çalakiyên 25'ê Mijdarê Roja Têkoşîna li Dijî Tundiya li Ser Jinê ya Cîhanê aşkera kir. Jin di bernameya roja yekşemê bi meşa meşaleyî de wê bi rûhê xuşkatiyê, semîner, sînema û bi lîstikên şanoyê kom bibin.
Meclîsa Jinan a Manîsa, di serlêdanan namzetên hilbijartina herêmî de, 7 namzetên mûxtarên jin dan nasandin.
Federasyona Karekerên Malê ya Navnetewî (IDWF) li Afrîka Başûr bi beşdariya jinên karkerên malê yên ji çar aliyên cîhanê kongre li dar xist.
Rêxistina HDP'ê ku lez dide xebatên hilbijartina rêveberiyên herêmî, hewl bide bi îtîfaqa jinan, reng û vîna jinê di siyasetê de çalak bike. Berdevka Meclîsa Jinan a HDP'ê Dîrayet Dilan Taşdemîr, li ser xebat û amadekariyan got: "Em dixwazin di hemû mekanizmayên siyaset û jiyanê de reng û vîna jinê jî hebe. Ji ber vê yekê em hemû jin bi hevre tên."
Parêzere Azîze Kûrnaz diyar kir ku ji bo dawî li şideta li hemberî jinê bê, ji normên hiqûqî bêtir divê feraseta ev yek di xwe de dihebîne bê guherandin.
Parlamentera HDP'ê ya Stenbolê Dilşat Canbaz Kaya diyar kir ku şideta li dijî jinan li Meclîsê jî pêk tê û ew li kolanan li dijî şidetê dibin bersiv.
Meclîsa Jinan a HDP’ê, têkildarî gefên Soylu yên li dijî Ebrû Gunay daxuyanî da û got: “Parlamenera me Ebrû Gunay, rastiya artêşa Tirk û çeteyên OSO yên Efrîn dagir kirin, li rûyê Soylu û 300 kesên dibin navê Wezaretê de salon dagirkiribûn, anî ziman. Em natirsin û emê bêdeng nebin.”
Jinên îzmîrî bal kişandin ser 25'ê Mijdarê û destnîşan kirin ku li Tirkiyeyê ji ber îktîdarê şidet zêde bûye û gotin: "Hîn bêtir hayê me ji mafên me heye. Divê em her roj li hemberî şidetê dengê xwe bilind bikin."