Di protestoyên li dijî qeyûm ên li Xelfetiyê de Yûsûf Yalçinkaya ku astengdar e, her tim bi rûyê xwe yê ken di eniyên pêş de cih digire. Yalçinkaya, bûye çavkaniya moralê welatiyên li ber xwe didin.
Polîsan li Êlihê bi ser malan de girtin û bi kûçikan îşkence li welatiyê bi navê Medenî Erol ê astengdar kirin. Erol, di îşkenceyê de birîndar bû û niha li emniyetê tê ragirtin.
Wezareta Karên Hundir bi daxuyaniyekê ragihand ku derheqê Hevserokê Giştî yê DEM Partiyê Tuncer Bakirhan û Hevserokê DEM Partiyê yê Mêrdînê Mehmet Mihdî Tunç de “kirariya qanûnî” dane destpêkirin.
Li Cizîrê 2 zarokên ku bi lêdanê hatibûn binçavkirin, piştî îfadeya li dozgeriyê hatin berdan.
Hevserokê Giştî yê DBP’ê Keskîn Bayindir meşa li Mêrdînê ya li dijî qeyûm de axivî û wiha got: “Gelê kurd dê berxwedana xwe ya li kolanan a li dijî van polîtîkayan bidomîne.”
Parêzerên Buroya Hiqûqê ya Sedsalê ji bo hevdîtina bi muwekîlê xwe Rêberê PKK’ê Abdullah Ocalan serî li Serdozgeriya Bûrsayê û Midûriyeta Girtîgeha Îmraliyê dan.
Berxwedana xelkê Xelfetiyê ya li dijî qeyûm di roja çaremîn de didome. Wesayîta bizirx a polîsan anîn cihê nobetê, piştî bertekan paşve hate kişandin.
Di serdegirtinên malan ên li Îzmîrê de rêveberên DEM Partî, DBP, HDP, Avesta û Ege TUHAYDER’ê jî di nav de gelek kes hatin binçavkirin.
Rêxistinên pîşeyî yên rojnamegeran, têkildarî tundiya li dijî rojnamegeran ku di demên dawî de zêde bûye, daxuyaniyeke hevpar dan. Di daxuyaniyê de tundiya li dijî rojnamegeran hate şermezarkirin û peyama piştevaniyê hate dayin.
Mehmet Ocalan diyar kir ku tecrîda li Îmraliyê didome û ev tişt anî ziman: “Serok tu caran tiştên nerewa qebûl nake. Aqilê dewletê gotinên xwe bi cih nayîne.”
Bi daxwaza betalkirina biryara tayînkirina qeyûm a li Şaredariya Bajarê Mezin a Mêrdînê serî li Dadgeha Îdareyê hate dayin.
Serokê Dev Yapî-Îşê Ozgur Karabûlût û Endamê Meclisa Ciwanan a HDK'ê Demîrcan Atakan destnîşan kirin ku divê têkoşîna li dijî qeyûmên hatine tayinkirin li kolanan bê pêşxistin.
Siyasetmedar Ayla Akat Ata destnîşan kir ku ji hêla siyasetê ve ji her demê bêhtir bihêz in û wiha got: “Qeyûm dê biçin û em ê her li ser vê xakê bijîn. Bila gelê me moralê xwe xerab neke û berxwedana xwe bidomîne.”
Welatiyên ku li Wanê bertek nîşanî desteserkirina vînê dan, li hemberî daxuyaniya Erdogan ku gotibû "Muhatabê me birayên me yên kurd in" Îmraliyê nîşan dan.
Danişîna ewil a doza Narîn Guranê bi tespîtkirina nasnameyan dest pê kir. Yekitiya Baroyên Tirkiyeyê xwest mudaxilî dozê bibe. Serokê Baroya Amedê Abdulkadîr Guleç jî got ku nûve hatine tunekirin.