Hevşaredarê Xelfetiyê Mehmet Karayilan li pêşiya avahiya şaredariyê bang kir û wiha got: “Em biryara qeyûm nas nakin. Em ê bi hêza ji gelê xwe digirin peywira xwe bidomînin.”
Hat zanîn ku hevserokên giştî yên DEM Partî û DBP’ê dê biçin Êlih û Mêrdînê.
DEM Partiyiyan tayînkirina qeyûm a li Şaredariya Bajarê Mezin a Mêrdînê protesto kirin û gotin: “Dê ev gel li ber we serî netewîne. Vê yekê baş bizanin.”
Hevşaredara Êlihê Gulistan Sonuk a li pêşiya şaredariya hatiye dorpêçkirin axivî, wiha got: “Em ê bi hev re bajarê xwe, şaredariya xwe ji vê rejîma xespkar, talanker û mêtinger rizgar bikin.”
Parlamenterê DEM Partiyê yê Rihayê Omer Ocalan bertek nîşanî tayînkirina 3 şaredariyan da û got: “Bi sala ye heman rêbazan bi kar tînin û li benda encamên cuda ne. Ev yek xwexapandin e.”
Şaredarê Bajarê Mezin ê Stenbolê Ekrem Îmamoglû têkildarî tayînkirina qeyûman wiha got: “Îktîdarê êdî kontrola xwe winda kir û bêcidiyet tevdigere.”
Serokê Giştî yê CHP’ê Ozgur Ozel têkildarî tayînkirina qeyûman a li 3 şaredariyên DEM Partiyê daxuyanî da û wiha got: “Ez îktîdarê hişyar dikim, êdî dema gotinê diqede. Ji bo têkoşîna li dijî vê xerabiyê çi hewce bike dê ew were kirin.”
Hevşaredarê Bajarê Mezin ê Mêrdînê Ahmet Turk ku cara sêyemîn e li şûna wî qeyûm tê tayînkirin, wiha got: “Têkoşîna me ya ji bo pêşerojeke demokratîk û azadiya gelê kurd dê bidome.”
DEM Partiyê têkildarî tayînkirina qeyûm a li şaredariyên Êlih, Mêrdîn û Xelfetiyê daxuyanî da û wiha got: “Dê gelên Tirkiyeyê li dijî vê zordestiyê serî netewînin.”
Rojnameya Xwebûnê vê hefteyê bi manşeta “Dizdê îradeyî” derket.
Hevşaredara Bajarê Mezin a Mêrdînê Devrîm Demîr bertek nîşanî tayînkirina qeyûm da û wiha got: “Îktîdarê careke din li dijî îradeya gel darbe kir.”
Li dijî tayînkirina qeyûm a li Şaredariya Êlihê berteka ewil ji dayika Îpek Er hat. Welatiyên hatin pêşiya şaredariyê jî dirûşma “Qeyûmên dizek dê biçin hûn ê hesabê bidin gel” berz kirin.
Di 8’emîn salvegera darbeya siyasî ya 4’ê Mijdarê ya li dijî parlamenterên HDP’ê de li 3 şaredariyan qeyûm hatin tayînkirin.
Girtîgeha Tîpa S a Îdirê di nav girtîgehên tîpa S'yê de wek girtîgeha pîlot hatiye bijartin. Di vê girtîgehê de 5 girtiyan bi guman jiyana xwe ji dest dan. Parlamenterê DEM'ê Partiyê Yilmaz Hun got: "Li vê girtîgehê polîtîkayek taybet tê meşandin."
Endama DÎB'ê Hatîce Goz tayînkirina qeyûman ji bo şaredariyan weke pêngaveke sazûmankirina faşîst nirxand û diyar kir ku li pişt tayînkirina qeyûmê ser Şaredariya Esenyurtê stratejiyeke ku Lihevkirina Bajêr dike hedef heye.