DEM Partiyê der barê îstîfaya Hevşaredarê Avkevirê Mehmet Alî Budak de daxuyanî da û got: “Gelê Avkevirê wê her tim Mehmet Alî Budak wek xiyanetkar û tirsonek bi bîr bîne. Bendewariya gel jê ew e ku ji meqamê serokatiya şaredariyê îstîfa bike.”
Hevserokê Şaredariya Qoserê Zeynî Îpek daxuyanî da û got: “Ji bo lêpirsîna disiplînê ya der barê min de hatiye destpêkirin bi rêkûpêk bê meşandin, ez wekaleta xwe ya serokatiyê dewrî hevalek me yê ji meclisê bê bijartin dikim.”
Ciwanên di fîrmayekî li Bodrumê de dixebitîn, piştî ku axaftina wan a bi kurdî hate qedexekirin, dest ji kar berdan. Ciwan destnîşan kirin ku ew ê fîrmaya pereyên wan kêm razandiye gilî bikin.
Hevserokê Giştî yê DEM Partiyê Tuncer Bakirhan ê li Êlihê bi rêxistinên sivîl re civiya diyar kir ku Êlih di sepana polîtîkayên şerê taybet de wek bajarê pîlot hatiye bijartin.
Seroka ÎHD’a Stenbolê Gulseren Yolerî destnîşan kir ku divê biryara “binpêkirinê” ya DMME’yê der barê Abdullah Ocalan de daye were bicihanîn û qanûna înfazê were guhertin.
Rojnameger Mehmet Emîn Mûtlû destnîşan kir ku li Dêrazorê pevçûna kurd û ereban nîn e, rejîm êrişî herêmên di bin kontrola ereban de dike û wiha got: “Li Dêrazorê kurd nîn e, tev ereb in. Eşîrên di bin siya Rêveberiya Xweswer de jî tev eşîrên ereb in. Lewma rejîm êrişî ereban dike.”
Yek ji parêzvanên mafên mirovan a navdar a Fransayê Genevieve Garrigos diyar kir ku tecrîd îşkenceyeke giran e û sûcê li dijî mirovahiyê ye û got: “Divê em dawî li polîtîkayên durû bînin û Abdullah Ocalan azad bikin.”
Çekdarên "Dîfa Watanî" yên bi ser hikumeta Şamê ve careke din êrişî rojhilatê kantona Dêrazorê kirin.
Asayîşa Êzidxanê ragihand ku bi sedan malbatên Êzidî yên li Dihok û Zaxoyê bi darê zorê hatibûn girtin, piştî provokasyona PDK û derdorên girêdayî wê ji kampan reviyan, xwe gihandin Şengalê û ji aliyê hêzên wan ve hatin pêşwazîkirin.
Xelkê Farqînê bertek nîşanî êrişên li dijî başûrê Kurdistanê dan û gotin ji ber polîtîkayên şer aboriya wan tengav dibe û ev şer dike ku xelk feqîr bibe.
Artêşa Îsraîlê komkujiyeke din li Xezayê pêk anî û herî kêm 100 kes hatin kuştin.
Girtiyê nexweş Mehmet Kinat ê di Girtîgeha Tîpa L ya Panosê tê ragirtin, tevî ku înfaza xwe temem kiriye, berdana wî bi hinceta “xweşhalî nîn e” 3 meh hate taloqkirin.
Nivîskar û rewşenbîrê kurd Îhsan Colemêrgî ku derbarê rewşa zimanê kurdî de axivî, anî ziman ku zimanê kurdî weke pîrekeviyên Çiyayê Cîloyê dihele û got: “Divê kurd jî weke serdestên li herêmê zimanê xwe pîroz bibînin.”
Di nobeda li Qada Şîhaneyê ya i dijî qeyûm de, bertek nîşanî polîtîkayên şer ên desthilatê hat dayîn.