Parlamenterên DEM Partiyê yên Stenbolê li dijî tayînkirina qeyûm a li Şaredariya Colemêrgê pankarta “bicehnime qeyûm” bi Pira Bogazîçiyê ve daliqandin û li dijî feraseta qeyûm banga têkoşîna hevpar li rêxistinên girseyî yên demokratîk kirin.
Hevserokên Giştî yên DEM Partî û DBP’ê li dijî darbeya qeyûm a li Colemêrgê li çar aliyên bajar meşiyan û çûn serdana gel. Li kolanan peyama berxwedana heta dawiyê hate dayîn û dirûşma “Bijî berxwedana Colemêrgê” li kolanan olan da.
Di serdegirtina malan a li navçeya Tûşba ya Wanê de 9 kes hatin binçavkirin.
Mexdûrên erdhejê yên xwestin ku xaniyên wan ên li navçeya Antakyayê ji çarçoveya qada rezerve bên derxistin ji aliyê polîsan ve hatin derbkirin û binçavkirin.
Îdianameya doza şewata kuluba şevê ya li Beşîktaşê ku 29 kesan jiyana xwe ji dest dabûn hate temamkirin. Di îdianameyê de ji bo 9 bersûcan ji 2 sal û 8 mehan heta 22 sal û 6 mehan ceza hate xwestin.
Hate aşkerekirin ku dewleta tirk di êrişên xwe yên li dijî Herêma Kurdistanê yên 2 rojên dawî de 17 caran çekên qedexe bikaranîne.
Danişîna doza rojnameya Ozgur Gundemê ku rêveber û nivîskarên wê bi îdiayên “propagandaya rêxistinê” û “ji bo sûc were kirin gel sor kirine” tên darizandin, hate taloqkirin.
Parêzerên Buroya Hiqûqê ya Sedsalê ji bo hevdîtina bi miwekîlê xwe Rêberê PKK’ê Abdullah Ocalan re ku 39 meh in tu agahî jê nayên girtin, serî li Serdozgeriya Komarê ya Bursayê û Midûriyeta Girtîgeha Îmraliyê dan.
Parêzer Mehdî Ozdemîr ê biryara doza îşkenceyê ya li zarokê 14 salî nirxand, diyar kir ku divê faîl ji sûcê “îşkenceyê” bên cezakirin û anî ziman ku ji bo vê yekê dê têbikoşin.
Komîseriya Bilind a Hilbijartinan a Rêveberiya Xweser a Bakur û Rojhilatê Sûriyeyê hilbijartinên şaredariyan taloqî meha tebaxê kir.
Derket holê ku qeyûmê ewil ê tayînî Şaredariya Peyasê hatibû kirin Mustafa Kiliç, mexdûrên erdhejê xapandiye û ji ber vê yekê der barê wî de 160 sal cezayê hepsê tê xwestin.
Danişîna doza Parlamenterê DEP’ê yê Mêrdînê Mehmet Sîncar ku hatibû qetilkirin, taloqî 10’ê kanûnê hate kirin.
Hevserokên Giştî yên DEM Partî û DBP’ê li Colemêrgê bi rêxistinên civaka sivîl re civiyan û gotin ku dê berxwedana wan a bi gel re bidome û destnîşan kirin ku gel daxwaza hilbijartina pêşwext dike.
Berdana girtiyê nexweş Sedat Atsiz ê 30 sal in girtî ye û niha li Girtîgeha Tîpa F a Bolûyê tê ragirtin cara duyemîn hate taloqkirin.
Kesên li dijî tayînkirina qeyûm a li Şaredariya Colemêrgê li pêşiya Şaredariya Sêrtê hatin gel hev li dijî qeyûman banga têkoşîna hevpar kirin.