Hevberdevkê Meclisa Ekolojiyê Huseyîn Çaglar diyar kir ku qirkirina daran a li erdnîgariya Kurdistanê encama feraseta "dagirkeriyê" ye û got: "Mantiqa dagirkeriyê ya li Efrînê, li Gabar û Cûdiyê didome. Lewma divê her kes li dijî vê talankirinê bi hev re bitêkoşe."
Birînên şewata li gundên Şemrex û Çinarê rû dabû û 15 kes di şewatê de miribûn, hê jî nehatine kewandin. Şêniyên gundê Kelekê diyar kirin ku xesara wan nehatiye safîkirin û xwestin ji berpirsiyaran hesab bê pirsîn.
Otobûsa rêwiyan li ser rêya Enqere-Eskîşehîrê qeza kir. Di qezayê de 9 kes mirin û 26 kes jî birîndar bûn.
Zekî Kayar ê 31 sal in girtî ye, ji ber nivîsek ji Rojnameya Ozgur Gundemê re nivsiye sal û nîvek cezayê propganadayê lê hatiye birîn û berdana wî jî 6 salan hatiye taloqkirin. Lê tiştên ku Kayar pê tê tawanbarkirin ji nivîseke din hatine stendin.
Serokê ÎHD a Amedê Ercan Yilmaz ku serdana Girtîgeha Tîpa M a Êlihê kir, diyar kir ku kesên li Êlihê bi hinceta govendgerandinê hatine girtin heta wan birine girtîgehê muzîkên nijadperest bi wan dane guhdarkirin û bal kişand ser tenduristiya dayikên girtî.
Komên girêdayî hikûmeta Şamê li Dêrazorê zarok jî di nav de 13 kes qetil kirin.
Endamê Lijneya Dîwanê ya KCDK-E’yê Mûsa Farisogûllari diyar kir ku hêzên navneteweyî jî şirîkên tecrîda li Îmraliyê ne û wiha got: “Çareseriya şerên li Rojhilata Navîn, di paradîgmaya Abdullah Ocalan de veşartî ye.”
Midûriyeta Giştî ya Meteorolojiyê ji bo gelek bajaran hişyariya barîna barana zêde kir.
Balafirên bêmirov yên Tirkiyeyê du gundên devera Şarbajêr ya girêdayî Silêmaniyê bombebaran kirin. Li gor agahiyên destpêkê gelek zirara madî gihaştiye rez û baxên gundiyan.
Serokê berê yê Eniya Tirkmenan Eşref Salihî têkildarî lihevkirina li ser Kerkûkê ya bi PDK û ereban re got: “Me, ereb û PDK’ê li ser birêvebirina hevpar ya Kerkûkê li hev kiriye.”
Maça fînalê ya Tûrnûvaya Futbolê ya Gulistan Dokû ku ji aliyê Meclisa Ciwanên DEM Partiyê ve tê organîzekirin, li Colemêrgê hat lîstin. Di encama maçê de Abaylarspor bû şampiyon.
Di çalakiya nobedê ya li dijî desteserkirina qeyûman a li Qada Şîşhaneyê de gel bertek nîşanî zextên li ser kurdan dan û gotin: "Em bi têkoşîneke rêxistinkirî û hevpar dikarin faşîzmê hilweşînin."
Girtiyê edlî yê bi navê Umît Kayaboynu ku li Girtîgeha Marmarayê dihat ragirtin, bi awayekî guman jiyana xwe ji dest da. Hat îdiakirin ku Kayaboynu întîhar kiriye.
Wezîrê Dadê Yilmaz Tunç ragihand ku dê 968 dadgehên nû bikevin meriyetê.